Шымкентте жаңа фармацефтикалық өндіріс ашылады

Шымкентте дәрі-дәрмек өндіретін жаңа зауыт іске қосылмақ. Бұл жобаға Польша 40 млрд теңгеден астам жеке инвестиция құюға дайын. Үкімет басшысы жаңа инвестициялық келісімді мақұлдады. Бөлінген қаржы тек зауыт құрылысын жүргізуге ғана емес, ғылыми зерттеулерге де бағытталмақ. Жаңа зауытта 38 түрлі дәрі-дәрмек шығарылады. Оның ішінде онкологиялық ауруларға қарсы препараттар, жүрек-қан тамырлары ауруларына арналған дәрілер бар. Зауыт 2029 жылдың соңына қарай іске қосылуы тиіс.

Аслан Қинаятов, ҚР ДСМ Фармацевтикалық өнеркәсіпті дамыту департаментінің директоры:

- Жалпы алғанда, фармацевтикалық өнімдер өндірісі саласында 316 млрд 300 млн теңге сомасына 6 инвестициялық келісім жасалды, бұл саланың кезең-кезеңімен дамып келе жатқанын, инвестициялық тартымдылығының артуын, өндірісті жергіліктендіру үшін орнықты базаның қалыптасуын және елдің дәрілік қауіпсіздігінің нығаюын көрсетеді. 

Веб-редактор: Нұрбек Балгүл Қайрошқызы