Бір палаталы парламент моделі шешімдерді жедел әрі тиімді қабылдауға
мүмкіндік береді. Бұл, әсіресе экономикалық даму мен әлеуметтік реформаларды
жүзеге асыруда маңызды. Қырғызстандық саясаттанушы Алмаз Тәжібай осылай дейді.
Сарапшының пікірінше, жаңа басқару тәсілі саяси жауапкершіліктің айқын болуына
және парламентте түрлі коалициялар құруға жол ашады.
Алмаз Тәжібай, Саясаттанушы /Қырғызстан/:
- Қазақстан үшін бір палаталы парламент жүйесі шешімдерді жылдам қабылдауға
тиімді болар еді. Әсіресе, ел экономикада, әлеуметтік салада және саяси жаңғыру
бағытында серпіліс жасауды көздесе, мұндай модельдің маңызы зор. Қазақстан
Орталық Азиядағы экономикалық тұрғыдан көшбасшы елдердің бірі.
Сарапшының пікірінше, Конституция жобасындағы жаңалықтардың бірі -
вице-президент лауазымы және бұл позиция мемлекет басшысына қолданыстағы тежеу
мен тепе-теңдік жүйесін бұзбай, билік өкілеттіктерін бөлуге мүмкіндік береді.
Вице-президент үкімет жұмысының жекелеген бағыттарына жетекшілік ете алады,
бірақ билік сатысындағы премьер-министрдің немесе парламент спикерінің орнын
баспайды.
1. Жасанды интеллектті қолданасыз ба?
Сондай-ақ
