Әлемдік БАҚ Қазақстан Президентінің V Ұлттық құрылтайдағы бастамаларына
пікір білдірді. АҚШ, Ресей, Қытай және Германия масс-медиасы Қасым-Жомарт
Тоқаевтың ұсыныстары жүйелі сипатқа ие екенін және мемлекеттік архитектураны
қайта жасақтаудың ауқымын сарапқа
салған.
Айталық, «Настоящее время» америкалық орыс тілді басылымы Қасым-Жомарт
Тоқаевтың неке институтын ер мен әйелдің одағы ретінде заңнамамен бекіту
қажеттігі туралы мәлімдемесіне, сондай-ақ дәстүрлі құндылықтар мен мәдени
бағдарды қорғау мәселелеріне назар аударған.
Ресейлік танымал басылым «Ведомости» Қазақстан Президентінің бастамаларын
ауқымды конституциялық реформаның және елдің саяси архитектурасын қайта
құрылымдаудың бастауы ретінде қарастырады. Мақалада Парламент тиімділігін едәуір
арттыратын өзгерістердің маңызы талданған.
Өз кезегінде қытайлық Синьхуа агенттігі елімізде жаңа бірпалаталы Парламент
пен Конституциялық комиссияның құрылуы реформалардың қоғам тарапынан қолдау тапқанын
айғақтайды, әрі кезең-кезеңімен іске асырылып келе жатқан институционалдық өзгерістерді
куәландырады деп отыр.
Deutsche Welle неміс агенттігі сарапшылар пікірін келтіріп, жаңа өзгерістерді
Қазақстанның парламенттік институтты күшейту және демократиялық тетіктерді
дамыту мақсатымен байланыстырады.
1. Жасанды интеллектті қолданасыз ба?
Сондай-ақ
