Сарапшылар: жаңа Конституция Қазақстанға сенімді арттырады

Қазақстанның жаңа Конституциясының жобасы халықаралық қауымның назарында. Бүгінде шетелдік БАҚ пен сарапшылар Негізгі заңның мәтінін талқылауда. Мәселен, Германия экономикасы Шығыс комитетінің басқарушы директоры Михаэль Хармс ұсынылып отырған нормалар еліміздегі іскерлік ортаның болжамдылығын арттырып, оны инвесторлар үшін түсінікті етеді деп есептейді. Ал, бұл ережелердің конституциялық деңгейде бекітілуі таңдалған бағыттың дәйектілігін көрсетеді. Сондай-ақ, сарапшы халықаралық бизнес үшін бұл қағидалардың ашықтығы мен олардың ұзақ мерзімді тұрақтылығы шешуші фактор болып қалатынын атап өтті. Бұл нарыққа деген сенімді қалыптастырады және инвестициялар ағынын арттыруға тың серпін береді.

Михаэль Хармс, Германия экономикасы Шығыс комитетінің басқарушы директоры:

- Менің ойымша, кез келген мемлекеттің негізгі міндеттерінің бірі – инвестициялық ахуалды тұрақты түрде дамыту. Әсіресе, бизнес үшін болжамдылықты қамтамасыз ету аса маңызды. Қазақстан соңғы жылдары елдегі іскерлік ахуалды жақсартты, Қазақстан Президенті осы бағытта жүйелі жұмысты жалғастырып келеді. Ал ұсынылып отырған шаралар да ел Үкіметінің осы ортақ мақсатына қол жеткізуге ықпал етеді деп сенемін.

Еуропалық парламенттің депутаты Вилис Криштопанс елімізде бір палаталы Парламент, яғни Құрылтай жүйесін енгізу - уақтылы әрі негізделген бастама деп есептейді. Бұл заң қабылдау рәсімін жеңілдетуге мүмкіндік береді. Ол жаңа Ата заң жобасында ұсынылып отырған басқа да жаңалықтарды оң бағалады. Осы орайда вице-президент лауазымын енгізу, сондай-ақ елдің жаңа Конституциясы бойынша референдум өткізу жөніндегі ұсынысты ерекше атап өтті.

Вилис Криштопанс, Еуропалық Парламенттің депутаты:

– Бір Палаталы Парламент құру табылған шешім. Бүгінгідей жылдам дамыған заманда заңдарда соған сәйкес тез қабылдануы тиіс. Бұл қағазбастылықты жояды. Халық Кеңесін енгізу жоспарланып отыр. Бұл да демократияның бір бөлігі. Ең бастысы - референдум. 15 наурызда референдум өтсе, бұл ел игідлігі үшін тағдыр шегшті шешімдер тікелей халықтың қатысуымен қабылданатынын айғақтайды. 

Веб-редактор: Нұрбек Балгүл Қайрошқызы