Жаңа Конституция
жобасы бойынша референдум ел дамуының жаңа кезеңін айқындайтың маңызды оқиға. Жоғары
Палата отырысында Сенат Төрағасы осылай деді. Мәулен Әшімбаев өз сөзінде жаңа
Ата заңның жобасы ашық әрі жан-жақты талқыланғанын, мұқият пысықталғанын атап
өтті. Құжатты талқылау барысында азаматтардың ұсыныстары барынша ескерілді. Палата
спикері бұл халық үніне құлақ асатын мемлекет тұжырымдамасының нақты көрінісі
екенін айтып, сол арқылы Әділетті Қазақстанның конституциялық моделі қалыптасып
жатқанын тілге тиек етті. Айта кетейік, жаңа редакция қоғам тарапынан кең
талқыланды. Жаңа Ата заң жобасы бойынша 10 мыңға жуық өтініш түсті. Олар комиссия
мүшелерінің, азаматтық қоғам өкілдерінің, сарапшылар қауымдастығының, бизнес
құрылымдарының ұсыныстары.
Мәулен Әшімбаев,
ҚР Парламенті Сенатының төрағасы:
- Осы ретте, Конституциялық комиссияның және оның
құрамындағы Парламент депутаттарының қажырлы жұмысын ерекше атап өткен жөн. Алдағы
уақытта Сенат депутаттары жаңа Ата Заңымыздың ережелерін түсіндіру жұмыстарына
бір кісідей атсалысады деп сенеміз. Осы орайда, Әділетті Қазақстанның берік
негізін қалайтын кезеңде барша қазақстандықтар өздерінің патриотизімін және
азаматтық ұстанымдарын білдіріп, референдумға белсенді қатысады деп сенеміз
және соған шақырамыз.
1. Жасанды интеллектті қолданасыз ба?
Сондай-ақ
