Өзбекстанда Oxford университетінің орталығы ашылды

Оксфорд университеті Өзбекстанмен ынтымақтастығын арттырады. Ташкентте академиялық платформа ашылды. «Oxford Hub» республиканың жоғары білім беру жүйесі үшін ғана емес, Орталық Азия үшін де маңызды ортаға айналмақ. Ұлыбританияның ең көне Жоғарғы Оқу Орны орталығы Жаңа Өзбекстан университетінің базасында іске қосылды. Сарапшылардың айтуынша, жоба өзбек жоғары оқу орындарының ғаламдық академиялық кеңістікке жүйелі ықпалдасуын қамтамасыз етіп, ғылыми-білім беру ынтымақтастығын жаңа деңгейге шығару, сондай-ақ бірлескен зерттеулер жүргізу, білім беру бағдарламаларын, академиялық алмасулар мен ғылыми инфрақұрылымды дамыту бойынша консультациялар алу мүмкіндігін береді.

Баходир Ахмедов, «Жаңа Өзбекстан» университетінің проректоры:

- Бұл хаб барлық университеттерге, барлық білім беру жүйесіне Oxford университетінің және басқа да университеттердің жетекші сарапшылары мен профессорларына қол жетімді болады. «Oxford Hub» көмегімен біз студенттердің, профессорлардың академиялық ұтқырлығын қалыптастырып қана қоймай, бұл саладағы жетекші ғалымдарды шетелдегі осы реформаларды зерделеуге жұмылдыра аламыз.

Джон Олдердайс, Ұлыбританияның Орталық Азия және Әзірбайжан жөніндегі сауда елшісі:

- Ең алдымен, бұл бастама жеке зерттеушілерге, профессорлық-оқытушылық құрамға және педагогтарға тікелей өзара іс-қимыл жасауға, кәсіби байланыстар орнатуға әрі ғылыми және білім беру ынтымақтастығын дамытуға нақты мүмкіндіктер ұсынады деп санаймын.

Веб-редактор: Айнұр Досан