Қазақстанда
e-Спорт – цифрлық платформасы енгізіледі. Ол саланы басқаруды және басқа
порталдармен ақпараттық өзара іс-қимылды қамтамасыз етеді. Мәжіліс бұқаралық
және балалар спортын дамытуға бағытталған түзетулерді қолдады. Негізгі жаңалық
балалар мен жасөспірімдер спорт мектептеріне жан басына шаққан қаржыландыру
стандартын енгізу. Ол біліктілік сынағынан өткен және оқу процесін ұлттық
спорттық дайындық стандарттарына сәйкес жүзеге асыратын мамандарға үстемеақы
енгізу арқылы жүзеге асырылады.
Никита Шаталов,
ҚР Парламенті Мәжілісінің депутаты:
- Балалар мен жасөспірімдер спорт мектептеріне жан
басына шаққан қаржыландыру стандарты және сәйкес цифрлық платформа енгізіледі.
Бұл бір спортшыға жұмсалатын қаражатты екі есе арттырып, жаттықтырушылар
еңбекақысының артуына жол ашады. Е-спорт платформасы тіркеуге алу мен бақылау
жүргізу мүмкіндігін, сондай-ақ өзге жүйелермен мәлімет алмасуға мүмкіндік
береді.
Сондай-ақ, Мәжіліс
бірқатар заңға Сенат ұсынған жаңа редакциямен келісті. Осылайша, Жоғары палатаның Құрылыс кодексіне,
банк қызметі, сондай-ақ цифрландыру, көлік және кәсіпкерлік туралы заңдарына
ұсынған өзгерістері қабылданды. Түзетулер нақтылау сипатына ие және Мәжіліс
қабылдаған заңдардың тұжырымдамасын өзгертпейді. Сонымен қатар, отырыс
барысында Палатаның был атқарған жұмысы қорытындыланды.
Ерлан Қошанов,
ҚР Парламенті Мәжілісінің төрағасы
– Біз биыл
Президент алдымызға қойған барлық міндетті мерзімінде жүзеге асыра алдық.
Қабылданған заңдар мемлекетіміздің одан әрі дамуына жағдай жасап, халықтың
әл-ауқатын арттыруға септігін тигізері анық. Нормалардың бірқатарын
депутаттардың заңнамалық бастамалары арқылы іске асырдық. Бұл құжаттарда халық
пен мемлекет мүдделерінің теңгерімі қамтамасыз етіліп, бизнесті дамытуға жағдай
жасалды. Келесі жылы да осы қарқынды сақтауымыз қажет.
1. Жасанды интеллектті қолданасыз ба?
Сондай-ақ
