Қазақстан сыртқы сауда-саттық жүйесінде рекорд орнатты. Былтыр өзге елдермен тауар айналымы 144 млрд долларға жетті. Оның 79 млрд-ы – экспорттың үлесіне тиесілі. Басты сауда әріптестеріміз екі көршіміз - Қытай және Ресей. Олар жалпы тауар айналымның 43% алып отыр. Еуразиялық экономикалық одақ елдерімен сауда 31 млрд долларға жеткен. Экспортта басты бағыт Еуропа. Кәрі құрлықтағы ең ірі тұтынушымыз - Италия. Бұл елге Қазақстан тауарының 20% жеткізіледі. Негізінен мұнай алады. Сондай-ақ сыртқа уран, мыс, ферроқоспалар мен бидай шығарылады.
Ернар Серік, экономист:
- Өткен жылы біздің елде азық-түлік өнімдерін жеткізу рекордтық деңгейге
өсті. Бұл біздің бәсекелестік артықшылығымыз. Күнбағыс майы, ұн, шоколад
өнімдері мен кондитерлік заттар өсімді қамтамасыз етті. Сондықтан қазіргі
уақытта дайын және өңделген тауарларды Орталық Азияға, ТМД елдеріне, Ресей мен
Қытайға экспорттаймыз.
1. Жасанды интеллектті қолданасыз ба?
Сондай-ақ
