Шетелдік баспасөз Қазақстан Президенті Қасым-Жомарт Тоқаевтың Ұлттық
Құрылтайда айтқан реформаларына шолулар мен талдау мақалалар жариялап келеді.
Мәселен, Belsat басылымы еліміздегі саяси жүйенің жаңғыруы биліктің халық алдындағы есептілігін және
парламенттік институттардың тиімділігін арттыруға бағытталғанын атап көрсетеді.
Беларустық ақпарат құралының пікірінше, Президент ұсынған реформалар
Қазақстанның мемлекеттік басқарудың неғұрлым теңгерімді моделін құруға
ұмтылысын айқын көрсетеді.
Ал пәкістандық MENAFN Президент бастамасының практикалық тиімділігіне назар
аударады. Басылым Қазақстан Президентінің ірі энергетикалық жобалар құрылысын
жеделдетуге шақырғанын атап өтіп, оларды ұлттық энергия жүйесінің тұрақтылығы
үшін аса маңызды деп көрсетті. Мұндағы әңгіме Көкшетау, Семей және Өскеменде
жаңа Жылу Электр Орталықтарын салу, Курчатов қаласындағы электр станциясын
аяқтау, сондай-ақ Екібастұздағы алпауыт энергия орталықтарын кеңейту туралы.
Сарапшылар бұл реформалардың тек саяси өзгерістерге ғана емес, сондай-ақ нақты
әлеуметтік-экономикалық нәтижеге бағдарланғанын көрсетті.
1. Жасанды интеллектті қолданасыз ба?
Сондай-ақ
