Қазақстандық жиһанкез еуропаны жаяу шарлап өтпекші

Жер-жаһанға танымал қазақстандық жиһанкез Сәрсенбай Қотырашов жаңа сапарға аттанады. Бұл жолы қарт саяхатшы Еуропаны жаяу шарлап өтпекші. Ол кезекті бағытты еңсеру үшін Сербия, Мажарстан, Австрия, Германия мен Франция елдерінің аумағын басып өтуді жоспарлап отыр.  Ол үшін екі айдың ішінде 2 мың шақырым қашықтықты бағындыру межеленген. Бұл осымен 76 жасар ақсақалдың әлемдік марофонының төртінші кезеңі. Оның саяхаты туған елі – Қазақстанның өңірлерін кезуден бастау алды. Кейін сапары сырт елдерге ұласып, отандасымыз Түркия, Моңғолия мен Қытайды аралады. Ол барған жерінде төл мәдениет пен туризмді насихаттайды. Сәрсенбай Қотырашов әр сапарынан соң елге оралып, келесі саяхатына қамданады. Айта кетейік, оның әуестігі Қазақстанның рекордттар кітабына тіркелген. Жиһанкездің ендігі мақсаты Гиннесстің кітабына ену.

Сәрсенбай Қотырашов, жиһанкез:

– Одан ары қарай жалғастырып, Америка Құрама Штаты – Атлантика жағалауына, Тыңық мұхит жағалауына енді жүріп өтуім керек. Сонда жер-шарын аралап өткенім болады. Онымен аяқталып қалмайды. 41 мың км толтыру үшін Африка және басқа континенттерді аралап, шығамын. Экватордың периметірінен ұзын болу керек. Бәрі де туысқан-бауырымыз, бір ананың құрсағынан шыққанбыз, несіне қорқамыз.

Веб-редактор: Нұрбек Балгүл Қайрошқызы