Қазақстандық We Global AI стартапы шетел нарығына шығады

Қазақстандық стартап WeGlobal AI шетелдік нарықтарды бағындырмақ. Тың бастама жоғары бағаланып отыр. Оның EdTech жобасы оқушылардың психикалық денсаулығын қолдау және жасөспірімдерді кәсіптік бағдарлау бойынша Ұлыбритания оқу орындарының қызығушылығын тудырды. Команда стартапты шетелдік талаптарға бейімдеп, сыннан өткізуге дайын. Жоба тек ағылшын оқушылары үшін ғана емес, америкалық мектептерге де жарайды. Өнертабыс иелері халықаралық ынтымақтастыққа арқа сүйеген. Себебі, әлемде мұндай AI шешімдерге сұраныс артып келеді.

Ясмин Асылбек, Коммуникация бөлімінің басшысы:

- Шетелдерде біз үш бағыт бойынша жұмыс істейміз, бірінші бағыт - бұл Орталық Азия, мысалы Өзбекстан, біз онда салалық мекемелер, мектеп өкілдерімен кездестік. Екінші бағыт - Ұлыбритания, 21 қаңтарда біздің команда ВаТТ UK Show тартаптар көрмесіне қатысты, онда білім беру технологиялары бойынша стартаптар таныстырылды, біз онда түрлі елдердің өкілдерімен келіссөз жүргіздік. Және үшінші бағытымыз - АҚШ, біз қазір екі ірі акселераторға өтінім бердік, олар «Y Combinator» және «StartX», олардың көмегімен АҚШ нарығына шыққымыз келеді.

Қазақстанда құрылған цифрлық платформаның әлемде баламасы жоқ. Қазір ол оқушыларға тәлім берудің аса ірі сандық экожүйесін қалыптастырады. Ол жасанды интеллект технологиясын, аналитика мен психологиялық сараптаманы біріктіреді. WeGlobal AI арқасында мектеп оқушылары буллинг туралы хабарлап, психологпен жұмыс істейді және өз қалауы мен бейімділігіне қарай мамандық таңдай алады. Бүгінде жоба еліміздің мыңнан астам мектебіне енгізілді және жарты миллионнан астам оқушыны қамтиды. Бұдан басқа, платформа мамандарды оқытып - онлайн және офлайн-семинарлар өткізіледі.

Данияр Камал, платформаны енгізу жөніндегі директор:

- Біз платформаны беріп қана қоймаймыз, ол жақта толыққанды техникалық қолдау қажет. Яғни, біз ең бірінші мектептегі психологтар үлкен кісілер, кейде платформаны дұрыс түсінбеуі мүмкін деген секілді көп сұрақтар туындап жатады. Сол кезде біз оларға ыңғайлы болсын деген оймен уатсап группа ашамыз, сол группада кез-келген сұрақты қойса болады

Әзірлеушілер платформаның интерфейсін кеңейтіп, биыл еліміз бойынша қамтылған мектептер санын 2 мыңға дейін жеткізуді жоспарлап отыр.

Веб-редактор: Нұрбек Балгүл Қайрошқызы