Қазақстан Сенаты Жоғары білім беру саласындағы біліктілікті тану туралы
Азия-Тынық мұхиты өңірлік конвенциясын ратификациялады. Заң студенттер мен
мамандардың академиялық ұтқырлығын арттыруға, сондай-ақ, Қазақстан мен Орталық
Азияның білім беру жүйелерінің интеграциясын тереңдетуге ықпал етеді. Келісім
аясында Қазақстан жоғары білімге қатысты біліктілікті тану жөніндегі ұлттық
ақпараттық орталықтардың аймақтық желісіне қосылады. Яғни, ортақ желі арқылы
шетелдік дипломдардың түпнұсқалығын растау, жоғары білім беру жүйесінің сапасы
мен жұмыс істеуін қамтамасыз ету бойынша жедел ақпарат алмасуға жол ашылады. Сонымен
қатар, құжат қазақстандық жоғары оқу орындарының білім беру қызметтерін
экспорттау үшін жаңа нарықтар ашуды және жаңа оқыту технологияларының
трансферін көздейді. Айта кетейік, аталған Токио конвенциясына он екі мемлекет
кіреді.
Мәулен Әшімбаев, ҚР Парламенті Сенатының төрағасы:
- Қаралған құжат тараптар арасында жоғары білім беру саласындағы
ынтымақтастықты дамытуды көздейді. Атап айтқанда, Конвенцияның ережелері оған
қол қойған елдер арасында біліктіліктің ашық және уақтылы бағалануын қамтамасыз
етуге бағытталған. Заңның мақұлдануы мүше мемлекеттер арасында серіктестікті
одан әрі нығайтуға, сондай-ақ, еліміздің білім беру жүйесінің беделін арттыруға
оң септігін тигізеді деп сенеміз.
1. Жасанды интеллектті қолданасыз ба?
Сондай-ақ
