Қазақстан Еуразияның негізгі білім беру орталығы
мәртебесін арттыруды жалғастырып келеді. Бүгінде білім түгестеп жүрген шетелдік
студенттердің таңдауы жиі қазақстандық жоғары оқу орындарына түсуде. Мәселен, қазір
әлемнің 90 елінен 35 мыңнан астам азамат біздің университеттерде білім алуда. Елдің
ғылым және жоғары білім министрлігінің мәліметінше, тек соңғы бір жыл ішінде
олардың саны 11% өскен. Негізгі дені Үндістан, Түрікменстан, Өзбекстан, Қытай
және Ресейден келеді. Алматы, Астана және Шымкент білім қуған сырт ел
азаматтары үшін тартымды қалалардың көшін бастап келеді. Алматының өзінде 18
мыңнан астам шетелдік студент оқиды. Бүгінде Шаһар Орталық Азиядағы ірі білім
беру кластеріне айналды. Шетелдік талапкерлер арасында медицина, инженерия, IT
және әлеуметтік-экономикалық бағдарламалар ең танымал бағыттар. Олардың
пікірінше, білім берудің жоғары сапасы мен оқу құнының қолжетімділігі,
дипломдарды шетелде тану, сондай-ақ инфрақұрылым сапасы мен отандық университеттердің
халықаралық әріптестігі Қазақстанды таңдау үшін негіз болған.
Әлібек Мәдібеков, ҚР Ғылым және жоғары білім министрлігінің Жоғары білім беруді дамыту ұлттық орталығының директоры:
- Студенттер толық ағылшын тілінде білім алу мүмкіндігіне
ие. Бүгінгі таңда Қазақстанда толық курста оқитын 35 мың студент бар. Бұдан
басқа, бізде академиялық алмасу бойынша студенттердің саны көп, олар негізінен
бір семестрге келеді. Бүгінде олардың саны 3 мыңға жуық. Сонымен қатар, шетелдерде
ашылған қазақстандық университеттердің филиалдары бар. Мысалы, Омбы қаласында
өткен жылы ашылған өкілдікте қазір 70 студент оқиды. Ал, Бішкек қаласындағы Әл-Фараби
университетінің филиалында 1300-ге жуық студент қазақстандық білім алуда.
1. Жасанды интеллектті қолданасыз ба?
Сондай-ақ
