Қазақстанда геологиялық барлау саласында 20 жоба жүзеге асырылады

Қазақстанда 2026 жылы кешенді геологиялық барлау жұмыстарын жүргізуге 40 млрд теңгеден астам қаражат бөлінеді. Тиісті қаулыға Премьер-министр қол қойды. Қаражат 20 геологиялық түсірілім жобасын жүзеге асыруды бастауға бағытталады. Жұмыстар шамамен 100 мың шаршы шақырымды қамтиды. Биыл аэрогеофизикалық және далалық жұмыстар жоспарланған. Барлық жобаларды 2028 жылдың соңына дейін аяқтау жоспарлануда. Жалпы, үш жылдық кезеңде мемлекеттік геологиялық зерттеуге шамамен 240 млрд теңге қарастырылған.

Дамир Көбенов, ҚР Өнеркәсіп және құрылыс министрлігі геология комитеті төрағасының орынбасары:

- Ол қаражат 100 мың километр шаршы аумағында 1/50-лік масштабтағы 2-ші буын мемлекеттік геологиялық түсірілімге арналған. ГС2-50 бағдарламасы перспективалы участкелерді анықтау мақсатында заманауи геофизикалық қашықтан зондтау және геохимиялық әдістерді қолдана отырып, сондай-ақ, деректерді терең цифрлық өңдеу қолданумен көзделеді. Жыл соңында алынған сынамаларды алдын ала зертханалық талдау жүргізілетін болады. 

Веб-редактор: Айнұр Досан