Қазақстанда ғалымдар мәртебесі заң
жүзінде бекітіледі. Мәжіліс тиісті заң жобасын бірінші оқылымда мақұлдады. Құжат ғылыми-техникалық қызметті жетілдіруге
бағытталған. Ол ұжымдық пайдалануға арналған зертханалардың қолжетімділігін
қамтамасыз етпек. Яғни, барлық ғылыми қызметкерлер үшін мемлекеттік тапсырыспен
сатып алынған жабдықтарды ортақ пайдалану механизмі әзірленеді. Бұл
өзгерістер пәндік олимпиадалар мен ғылыми жобаларға қатысатын дарынды балаларға
мемлекеттік университеттердің зертханаларын тегін пайдалану мүмкіндігін береді.
Сондай-ақ, заңнамада ғылыми қызметті қаржыландыру тәртібі де жетілдірілді.
Асхат Аймағамбетов, ҚР Парламенті Мәжілісінің
депутаты
- Біз ұсынған нормаларға сәйкес ғылыми
жобаның бастау мерзімі автоматты түрде қаңтар айынан емес, нақты сол
келісімшарт жасалған күннен бастап белгіленуі тиіс. Заң жобасы аясында біз
ұлттық ғылым академиясының жұмысын тежеп тұрған бірнеше мәселені де шешеміз.
Оның квазимемлекеттік сектор субьектісі мәртебесін заң жүзінде бекітеміз. Бұл
академияның мүлкін қалыптастыру тәртібін нақты реттеуге, басқару тетіктерін
жүйелеуге және тұрақты қаржыландыру көздерін айқындауға жақсы мүмкіндік береді.
1. Жасанды интеллектті қолданасыз ба?
Сондай-ақ
