Елімізде құрылыс сапасын бақылаудың жаңа талаптары енгізіледі. Мәжіліс екінші оқылымда Құрылыс Кодексін қабылдады. Құжатта саланы бақылаудың басты тетігі ретінде сандық технологияларға басымдық берілген. Бұдан былай жобалаудан бастап пайдалануға беруге дейінгі құрылыстың барлық кезеңдері бірыңғай цифрлық порталда біріктірілмек. Қазірдің өзінде елдегі құрылыс нысандары мен инженерлік жүйелердің 90% астамы «Е-құрылыс» порталына енгізілді. Бұдан басқа, әрбір жаңа ғимарат бірегей сәйкестендіргіш сандық паспорт алады. Ал әлеуметтік нысандарға жер телімін бөлу, сейсмикалық қауіпті ескеру, табиғи аймақтардағы құрылысты шектеу туралы нормаларды жүзеге асыруға жасанды интелект қолданылады. Сонымен қатар, құрылыс сапасын стандарттау арнайы ғылыми институт құзіретіне беріліп, әлемдік сапа талаптарына сай жасақталады.
Мұрат Әбенов, ҚР Парламенті Мәжілісінің депутаты:
- Азаматтардың пікірлерін зерделедік, бірнеше қоғамдық ұйым белсенділері келді, ғалымдар келді бізге. Мәжілісте арнайы қоғамдық палата отырысы өткізілді. Заман талабына сай, Еуропалық стандарттарды енгізіп, негізі қаланды. Тапсырма бойынша, мемлекеттік бақылау мәселесін реттеу, қадағалау стандарттарды енгізу.
Мәжіліс банк қызметіне қатысты жаңа заң қабылдады
Сондай-ақ, Мәжіліс отырысында «Банктер және банк қызметі» туралы заң қабылданды. Құжатта банктердің азаматтардың жеке мәліметтерін қорғау және қолдану аясына өзгертулер ұсынылған. Бұдан былай, қазақстандықтар қаржылық институттардың биометриялық деректерді қашан және қандай мақсатта пайдаланғаны туралы ақпарат алуға құқылы. Сонымен қатар, цифрлы қолтаңбаны қолдану, азаматтың төлем қабілетін анықтауға қажетті деректердің ашықтығы қамтамасыз етіледі.
1. Жасанды интеллектті қолданасыз ба?
Сондай-ақ
