Қазақстан наурыз мерекесін DIGITAL форматта атап өтеді

Биыл Қазақстандағы цифрландыру жылы аясында Наурыз мерекесі DIGITAL форматта өтеді. Яғни, алғаш рет елімізде Ұлыстың ұлы күнін ұлықтау шаралары заманауи технологиялармен ұштастырылады.  

Наурыз көже ет сорпасында дайындалады. Алдымен ет қайнатылады...

Бұл АІ-аватар - Наурызай. Оның Наурызбай атты нұсқасы да бар. Дәл осындай жасанды инттеллект негізінде құрылған стендттер Астананың негізгі мерекелік алаңдарында  орнатылмақ. Ақылды көмекшілер қазақ және орыс тілдерінде сөйлейді.  

Әлішер Батырбеков, Астана Innovations стратегиялық даму және инновациялар департаментінің директоры:

- АІ-аватарлар тұрғындарға іс-шаралар бағдарламалары, Наурыз мерекесінің мәдени ерекшеліктері, сондай-ақ қазақ халқының дәстүрлері мен мәдениеті бойынша кеңес береді. Жоба қаланың алты негізгі алаңында іске асырылады.  

Осындай шаралардан тұрғындар қалыс қалмауы үшін арнайы цифрлық жүйе әзірленген. Онда қай жерде шара өтіп жатқанын көруге болады. Платформада мереке аясында өтетін барлық іс-шаралардың тізімі жарияланады. Мәселен бас шаһарда кемі 200 шара ұйымдастырылады. Жалпы Наурызды цифрлық форматта тойлау шаралары еліміздің барлық қалаларында жүзеге аспақ. Мерекені атап өту 14 наурыз – Көрісу күнінен басталады.

Әлия Оспанова, Цифрлық үкіметті қолдау орталығының бас директоры:

- Әрбір қала тұрғыны өздерінің алаңдарына барып, біздің гуманоидты роботтардың не екенін көріге мүмкіншілік болады. Мәселен, Алматыда бауырсақтарды дрондармен жеткізу сервисін көрсетеді. VR технологияларының қалай қолданылатынын көруге болады. 

Веб-редактор: Нұрбек Балгүл Қайрошқызы