Қазақстан мен Өзбекстан Президенттері телефон арқылы сөйлесті. Әңгімелесу барысында Шавкат Мирзиёев Қасым-Жомарт Тоқаевты жаңа Конституция жобасы бойынша референдумның табысты өтуімен құттықтады. Оның айтуынша, референдум нәтижесі Мемлекет басшысының жүргізіп жатқан ауқымды реформаларға Қазақстан халқы зор сенім артатынын көрсетеді. Қасым-Жомарт Тоқаев қолдау білдіріп, халықаралық ұйымдар құрамында Өзбекстаннан байқаушылар миссиясын жібергені үшін Шавкат Мирзиёевке алғыс айтты. Ол жаңа Конституция заман талабына сай келетініне, сондай-ақ мемлекеттің орнықты және жан-жақты дамуын қамтамасыз ететініне назар аударды. Тараптар қазақ-өзбек қарым-қатынасы қарқынды дамып келе жатқанына тоқталып, барлық деңгейдегі ықпалдастықты жалғастыруға уағдаласты. Президенттер өңірлік және халықаралық күн тәртібіндегі өзекті мәселелер жөнінде де пікір алмасты.
1. Жасанды интеллектті қолданасыз ба?
Сондай-ақ
