Қазақстан экономика мен инфрақұрлымға басымдық береді

Ішкі жалпы өнім артқан сайын азаматтардың нақты табысы да көбеюі керек. Бұл Үкіметтің алдында тұрған негізгі міндет. Президент Қасым-Жомарт Тоқаев бұны Үкіметтің кеңейтілген отырысында айтты. Қазақстандық сарапшы Айбар Олжаев бұл басқаруды өзгертіп, мемлекеттік органдардың жауапкершілігін күшейтетінін алға тартады.

Айбар Олжаев, Сарапшы:

- Үкімет жұмысының KPI-ы, негізгі тапсырмасы макроэкономикалық көрсеткіштен халықтың нақты әл-ауқатына қатысты болады. Егер, халықтың жағдайы жақсарса онда Үкімет жұмыс істейді деген сөз болады. Бұған дейін бұндай парадигма, яғни жалпы KPI-да болмаған еді. Демек, жалпы Үкіметтің нәтижесін сраптау, саралау 2026 жылдан өзгереді деп айтсақ болады.

Үкімет алдындағы тағы бір басымдық - инфрақұрылымды дамыту. Стратегиялық жолдардың құрылысын аяқтау, жаңа өндірістерді іске қосу, инженерлік желілерді жаңғырту. Сарапшылар бұның бәрі Қазақстанды Еуразияның индустриялық және логистикалық орталығы ретінде бекітуге тың серпін беретінін айтады.

Расул Коспанов, Саясаттанушы, NU жанындағы Ұлттық талдау орталығының аға зерттеушісі:

- Инвестор салымы қорғалатын жерге ғана келеді. Яғни, құйған қаражаты ақталатынына сенімді болуы керек. Осы орайда еліміз өңірде көш бастап тұр. Инвесторлардың мүдделерін қорғау тетіктері жетілдіріліп жатыр. Бұның артында жаңа жұмыс орындары тұрғанын ескеруіміз керек. Мәселен Қарағанды өңіріндегі Саран қаласына инвестициялар тартудың әлеуеті зор. Онда шиналар өндіретін зауыт салынды, автобустар жиналады. Бүгінде ол Қарағанды облысының жаңа экономикалық орталығы.

Веб-редактор: Айнұр Досан