Ақордада Қысқы Олимпиада ойындарының жеңімпазы Михаил Шайдоров пен оның жаттықтырушыларын марапаттау рәсімі өтті. Қасым-Жомарт Тоқаев салтанатты іс-шарада сөйлеген сөзінде Қазақстан үшін бұл Олимпиаданың орны ерекше екенін айтты. Мемлекет басшысы Михаил Шайдоровтың жеңісі еліміз үшін теңдесі жоқ жетістік саналатынына назар аударды. Еске салайық, отандасымыз жуырда Италияда өткен дөрткүл дүние тартыстарында мәнерлеп сырғанау сынында алтын медальға ие болып, Қазақстанның көк Туын Олимп шыңына көтерді.
Қасым-Жомарт Тоқаев, Қазақстан Республикасының Президенті:
- Халқымыз Михаилды мақтан тұтады, ал жас буын одан үлгі алады. Олимпиада жеңімпазы болу – биік мақсат жолында кез келген қиындықты жеңу, яғни, ұзақ әрі күрделі жолға дайын болу деген сөз. Біріншіден, бұл – көптен күткен, яғни, 32 жылдан кейін қол жеткізген тарихи жүлде. Екіншіден, бұл – мәнерлеп сырғанаудан ел қоржынына түскен алғашқы Олимпиада алтыны. Үшіншіден, күллі әлем елімізде әйгілі спортшы Денис Теннің жолын жалғастыратын дарынды жастардың бар екеніне куә болды.
Сондай-ақ, Президент бапкерлердің еңбегіне айрықша тоқталып, ыстық ықыласын білдірді. Өз кезегінде Олимпиада чемпионы көрсеткен қолдауы үшін Мемлекет басшысына және барша қазақстандықтарға ризашылығын жеткізді.
Михаил Шайдоров, Олимпиада чемпионы:
- Мен Олимпиада алтынымен шектелмеймін. Алдымда ұзақ жол бар. Елімнің сенімін ақтап, жас ұрпаққа үлгі болып, халқымыздың мерейін үстем еткім келеді. Рахмет Сізге! Сүйікті Отаныма, Қазақстаныма қызмет етемін.
Қасым-Жомарт Тоқаев Михаил Шайдоровты ІІ дәрежелі «Барыс», ал бапкерлерін ІІ дәрежелі «Достық» және «Құрмет ордендерімен марапаттады.
1. Жасанды интеллектті қолданасыз ба?
Сондай-ақ
