Астанада қырғыз киносы күндері өтті. Оны режиссер Ақтан
Арым Кубаттың «Қара, қызыл, сары» фильмінің премьерасы ашты. Туындыда бас кейіпкер
арқылы бірегей қолөнер - кілем тоқу дәріптеліп, түрлі тағдырлардың тоғысуы,
таңдау мен махаббат суреттеледі. Мәдени шараның екінші күнінде «Қашқын» драмасы
ұсынылды. Бұл картиналар - халықаралық кинофестивальдардың жеңімпаздары, олар қазақстандық
көрермендердің де ықыласына бөленді. Бұл шара Қазақстан мен Қырғызстан
арасындағы гуманитарлық байланысты дамытуға бағытталған мәдени бағдарламаның
бір бөлігіне айналды.
Құдайберген Базарбаев, Қырғыз Республикасының Қазақстан
Республикасындағы Төтенше және өкілетті елшісі:
- Соңғы уақытта Қырғыз Республикасы мен Қазақстан
арасындағы өзара рухани-мәдени іс-қимылымыз қарқын алып келеді. Бұл біздің
бірлігімізді, рухани тамырластығымызды, қазақ пен қырғыз халықтары арасындағы
біртұтас бауырластық сезімін көрсетеді. Мұндай мәдени байланыстар бізді өзара рухани
байытып, қосымша серпіліс береді.
Эрнист Әбдірашитов, Қырғыз Республикасының Қазақстан Республикасындағы Елшілігінің 3-хатшысы:
- Біз жыл сайын осындай Кино күндерін өткіземіз. Мысалы,
өткен жолы біз «Пейіш. Жұмақ ананың табанының астында» туындысын көрсеттік. Ол
бірнеше мемлекетте, оның ішінде Қазақстанда да түсірілген. Екінші бөлімі де
бірнеше елде, Қазақстанның Жамбыл облысы Тараз қаласында түсірілді. Осының бәрі
біздің халықтарымызды жақындастырады. Ресми тұсаукесері де Қазақстанда өтеді.
1. Жасанды интеллектті қолданасыз ба?
Сондай-ақ
