Алматыда онкологиялық ауруларды ерте анықтау үшін AI-шешімдері қолданылады

Қазақстан медицинаға Оңтүстік Корея, АҚШ және Бразилиямен қатар озық цифрлық шешімдерді енгізуде. Алматы онкологиялық орталығында ауруды ерте анықтау мақсатмымен AI технологиялар қолданылады. Ультрадыбыстық аппараттарға кіріктірілген жүйе дәрігерге патологияны табуға көмектесетін «сандық ассистент» қызметін атқарады. Бағдарлама адам тіндерінің тығыздығын, пайда болған ісіктің ауқымын анықтап, нақты уақыт режимінде талдау жасайды.  Жаңа технологияның түп негізі – бұған дейін анықталған мыңдаған ісіктің егжей-тегжейлі сипаттамаларын қамтыған ауқымды дерекқор. Алдағы мақсат, жасанды интеллектіні бауыр онкологиялық ауруларын анықтауға баулу.

Илия Закирянов, Онкологиялық орталықтың консультациялық-диагностикалық бөлімшесінің ультрадыбыстық диагностика дәрігері:

- Жасанды интеллект – бір көрген дүниесін ұсақ-түйегіне дейін есте сақтайды. Оның байқағанына менің назар салмауым да мүмкін. Бірдеңені нақтылап көре алмасам: «Илья, назар аударыңыз! Мынау не?» дегендей көңіл бөлуімді сұрайды. Жасанды интеллект «міне мынау нақты қатерлі ісік» деп байлам жасамайды. Не болмаса, 100%, тіпті 99% деп те баға бермейді, ол тек бізге көмекші, қосымша пікір айтады.

Веб-редактор: Айнұр Досан