15 наурызда 54 елде 71 референдум учаскесі ашылады

15-наурыз күні шетелдегі қазақстандықтар да референдумда дауыс бере алады. Орталық Референдум Комиссиясының мәліметі бойынша бұл күні 54 елде 71 референдум учаскесі ашылып, шамамен 14 мыңнан астам шетелде жүрген Қазақстан азаматы дауыс беру мүмкіндігіне ие болады. Оның ішінде Бельгиядағы отандастарымыз да бар. Бұл елдің сарапшылары Қазақстандағы реформаларды қадағалап отыр. Брюссель баспасөз клубының басшысы Антонио Бускардини республикамыздың бір палаталы Парламентке көшу бастамасын жетілген мемлекеттік жүйенің белгісі және демократияны нығайтудағы маңызды қадам деп атады. Мұндай жүйе биліктің теңгерімін қамтамасыз етіп, заңнамалық жұмысты күшейтеді.

Антонио Бускардини, Brussels Press Club президенті:

- Президенттік билік пен парламент арасындағы осындай тепе-теңдік мемлекеттің 30 жылдан астам уақыт ішінде саяси тұрғыдан қалыптасып, батыл қадам жасауға дайын болғанын көрсетеді. Бір палаталы парламент жүйесіне көшу – маңызды өзгеріс. Алдағы уақытта оның нәтижесі қандай болатынын бақылау қызықты болмақ. Дегенмен бұл үдеріс демократияны нығайтып, парламенттің рөлін күшейтетіні сөзсіз.

Веб-редактор: Нұрбек Балгүл Қайрошқызы